Urtero bezala, azaroaren 9an, goizeko 11:00etan aurkezpen saio berezi bat egingo da 2013-2014 irrati-sasoiari hasiera emateko. Bi ordutik gora iraungo duen irratsaioan, sasoi honetan uhinetan izango ditugun programak aurkeztuko ditugu (zahar ezagunak, saio berriak,…), era berean Erretegiak deritzen informatibo saioetako aurtengo kolaboratzaileak eta, oro har, Zintzilik irratiaren uhinetatik entzun daitekeen guztia.
Aurkezpen festa honetara etortzeko gonbidapena luzatzen diogu irratiko mikroetatik inoiz pasa denari, edonola ere lagundu duenari edota, ezin bestela, Zintzilik irratiaren lagun sentitzen den edonori. Badakizue, estratan dagoen Perrategi zaharrean.
Gainera Perrategiaren kanpoaldean jarriko den panel informatiboaren inaugurazioa izango da eta gerturatu nahi duenarentzat hamaiketako bat eskainiko da. Gonbita librea da.
Dejar una contestacion